प्रसिद्धी पत्रक
१२ - डिसेंबर - २०१८
ड्रायव्हींग लायसन्स सस्पेंड न करण्यासाठी चतुर्श्रुंगी वाहतुक विभाग, पुणे शहर येथिल पोलीस नाईक रासकर यांनी रु. ४००/- लाच स्वीकारली असता एसीबीने त्यांना रंगेहात पकडले.
११ - डिसेंबर - २०१८
कल्याण डोंबिविली महानगरपालिका येथील आरोग्य निरीक्षकाने नोकरी मध्ये कायम करण्याकरीता मूल्यमापन अहवालावर शेरा लिहीण्यासाठी तसेच इच्छित ठिकाणी ड्युटी देणे व हजेरी नोंदविण्यासाठी रु. १०,०००/- लाचेची मागणी करून पहिला हफ्ता म्हणून रु. ५,०००/- स्विकारले असता एसीबीने त्यांना रंगेहात पकडले.
११ - डिसेंबर - २०१८
खरेदी केलेल्या जमिनीची फेरफारची नोंद फेरफार रजिस्टरला घेण्यासाठी तलाठी सजा रहिमाबाद, ता. सिल्लोड, जि. औरंगाबाद येथील तलाठी यांनी रु. १,५००/- लाचेची मागणी करून स्विकारली असता एसीबीने त्यांना रंगेहात पकडले.
१० - डिसेंबर - २०१८
विक्री झालेल्या जमिनीवर हरकत नोंदवुन घेण्यासाठी व विहिरीची सातबारा उताऱ्यावर नोंद लावण्यासाठी रु. १५,०००/- ची लाच घेताना एसीबी. ने रंगेहात पकडलेल्या कामगार तलाठी, अकलापूर, ता.-संगमनेर यांच्याविरुद्ध चालू असलेल्या खटल्यात मा. जिल्हा न्यायाधिश-३, व सहा. सत्र न्यायाधिश संगमनेर यांनी त्यांना ५ वर्षे सक्तमजुरी व रु.१०,०००/- दंड शिक्षा सुनावली.
१० - डिसेंबर - २०१८
अन्न व औषध प्रशासन, बांद्रा येथिल अन्न सुरक्षा अधिकारी पाचुपते यांनी हॉटेल परवाना निलंबित नोटीसवर दिलेल्या उत्तरावर सकारात्मक अहवाल संबंधित कार्यालयास पाठविण्यासाठी रु. २०,०००/- लाचेची मागणी करून तडजोडीअंती रु. १५,०००/- लाच घेतली असता एसीबीने त्यांना रंगेहात पकडले.